“Milli olimpiýa sport köşgi” hojalyk jemgyýeti 2006-njy ýylyň maý aýynda açylyp ulanyşa berilen. Aşgabat şäheriniň günorta böleginde Arçabil şaýolunyň ugrunda ýerleşýär. Buzly arenanyň ölçeginiň giňligi 30 metr, uzynlygy 60 metr bolup 1800 m2 deň. Buzda typmaga bir wagtda 150 sany isleg bildirýän dürli ýaşdaky müşderilerimize, ýylyň ähli möwsüminde her gün kabul etmeklige mümkinçilik döredilen. Tomaşa zaly 928 tomaşaçyny kabul etmek üçin niýetlenendir.
Sportuň gyşky oýunlary bolan: hokkeý we buzda figuralaýyn typmak görnüşleri boýunça türgenler taýýarlanýar. Sportuň hokkeý görnüşi boýunça döwlet edara kärhanalaryň hokkeý toparlaryna, şeýle-de hususy telekeçileriň toparlaryna hem hyzmat edilýär. Gyşky oýunlar boýunça türgenleşikler bilermen hünärmenler tarapyndan alynyp barylýar. Buzly köşgiň müşderilere hyzmat etmek üçin tehniki otaglary, eşik çalşyrylýan otaglary, kafe-bary we lukmançylyk otagy bardyr. Sportuň gyşky oýunlaryny öwrenmeklige, ýylyň ähli paslynda gyş owadanlygyny synlamaga we duýmaga müşderilerimiz üçin ähli şetler döredilendir!!!!
